Categories
Book Gujarati books

પ્રેરક વિભૂતિ મહાત્મા ગાંધી (Prerak Vibhuti-Mahatma Gandhi)

માનવીની શબપૂજા

જગતમાં જ્યાં ત્યાં જોઉં છું કે માનવી તો એના ગયા કેડે એના શબને માત્ર પૂજે છે . આઘે ક્યાં જવું ? મહાત્મા ગાંધીનો પ્રત્યક્ષ જીવતો દાખલો લ્યોને ? એણે તો પોકારી પોકારીને કહેલું કે ‘ભાઈ ! કોઈ મારાં પૂતળાં કે મંદિરો ચણશો નહિ . ‘પણ આજે સમાજ એના શબને પૂજી રહેલો છે . એના જીવનની મૂળ પ્રાણચેતનાને કોણ સ્વીકારે છે ? એના આદર્શને -એની સંસ્કૃતિને – કોણ વરવા ચાહે છે ?

                                                                                                                                                                                        –શ્રીમોટા

‘ જીવનપોકાર ’ , બી . આ . , પૃ . ૧૩૩

 

Categories
Book Gujarati books

પ્રભુની ખોજ (Prabhu ni Khoj)

                                         ‘પ્રભુની ખોજ’ના વાચકને

આ પુસ્તકનું સંપાદન પ્રયોગાત્મક જર્નલ ( Journal ) તરીકે કર્યું છે . આથી , વધુમાં વધુ વાચકો પોતે પ્રયોગ કરી , અમલ કરી નવી સમજણ કે દ્રષ્ટિ અને નવું જ્ઞાન પામે , એ સંપાદનનું પ્રયોજન છે . પૂજ્ય શ્રીમોટા દરેક કક્ષાના ‘જીવન’ને જિંદગીમાં જીવનનાં સુખ – આનંદ પ્રગટાવવાનો માર્ગ દર્શાવે છે . માટે , પૂજ્ય શ્રીમોટાએ દર્શાવેલી રીતોનો વારંવાર પ્રયોગ કરી કરીને શીખવું પડેછે , કારણ કે આપણી રોજની જિંદગીમાં કામાદિથી દોરવાયેલો જીવનપટ પડેલો છે . એમાંથી નીકળવું મુશ્કેલ છે .

માટે ‘ પ્રભુની ખોજ ’ વાંચ્યા પછી ઘણું ઘણું કરવાનું રહે છે . આ બધું સ્મૃતિમાં રહે અને અન્યથા પ્રસંગોમાં આપમેળે ( Automatic ) વર્તાય એ દોહ્યલું હોવાથી , રોજની ‘ યાદનીશી ’ ( Memory Aid ) તરીકે પૂજ્ય શ્રીમોટાની જ રચનામાંથી આ ત્રિપુટી મૂકી છે . એમાંની પહેલી પ્રાર્થના Aid Memorie છે . બીજું ‘ સાધનામર્મ ’ વર્તન માટેનું માર્ગદર્શન ( Guide to Behaviours ) છે . અને આરતી આચરણ સંહિતા ( Guide to Practise ) અથવા વર્તનકળા છે .

આપણું જીવન રાગદ્વેષાદિના પ્રવાહમાં જ તણાયે જાય છે . આથી , ‘ હું ’ કે ‘ મારું ’ – થી – પોતાનાથી નોખા થઈ શકવાની કળા જેવી કોઈ ચીજ છે એની ખબર જ હોતી નથી . ‘ પ્રભુની ખોજ’માં આ કળાની તારવણી થઈ છે . આવી કળા આત્મસાત્ કરી શકાય , પણ આપણે જીવદશાના અનેક જૂના સંસ્કાર સ્વભાવથી પડેલા પટમાંથી બહાર નીકળી શકતા નથી . જો નીકળવું હોય તો … આ પુસ્તકમાં દર્શાવેલા પ્રયોગો વાંચી , સમજી , પ્રભુસ્મરણ આચરણમાં મૂકવા સિવાય કોઈ સરળ સીધો માર્ગ નથી . આપુસ્તકનો ‘ અભ્યાસ ’ એટલે વારંવાર વાંચી , ગોખી , સમજી પ્રેકિટસમાં મૂકવાની કળા આપણે શીખવી હોય તો …

એ માટે થોડાક સમયમાં સહાયક – પ્રેરક બને એવી આ સામગ્રી ( સાધન – ત્રિપુટી ) દિવસ દરમિયાન અનેકવાર ઉપયોગમાં લઈ શકાય . અમને આશા છે કે પૂજ્ય શ્રીમોટાએ કહ્યું છે એ મુજબ પ્રયોગો કરવા અને આત્મસાત્ કરવા કોઈક ધન્ય પળે કોઈક વાચક પ્રેરાશે …

… તો અમારાથી થયેલો આ પ્રયત્ન સફળ થશે … જો વાચકોના અનુભવ – પત્ર દ્વારા નવીન સૂચનો મળે તો પત્ર નીચેના ટૂંકા સરનામે એક પોસ્ટકાર્ડમાં જ મોકલવા , જવાબ જોઈએ તો રિપ્લાઈ પેઈડ પોસ્ટકાર્ડ મોકલવા કૃપા …

સંપાદકો

[ સરનામું : 106 , AKAR , 8 HAREKRISHNA MANDIR Rd . SHIVAJI NAGAR , PUNE PIN – 411016 ]

Categories
Book Gujarati books

મોહ (Moh)

                                      નિવેદન

 

પૂજ્ય શ્રીમોટાએ તાજેતરમાં જ ‘ જિજ્ઞાસા ’ , ‘ શ્રદ્ધા ’ , ‘ ભાવ ’ , ‘ નિમિત્ત ’ ,રાગદ્વેષ ’ , ‘ કૃપા ’ , ‘ કર્મ – ઉપાસના ’ , ‘ સ્વાર્થ ’ , ‘ સદ્દગુરુ ’ વગેરે આધ્યાત્મિક વિભાવનાને સ્પષ્ટ કરતાં શાસ્ત્રો એક પછી એક લખીને પ્રગટ કર્યાં છે . તે જ શ્રેણીનું આ પુસ્તક ‘ મોહ ’ પણ શ્રેયાર્થી અને જીવનવિકાસાર્થે મથનાર તમામ માટે ઉપકારક નીવડે એવું છે .

પૂજ્ય શ્રીમોટા એમની માત્ર ઇચ્છાથી કશું જ લખતા નથી . કોઈ શ્રેયાર્થી પોતાના મંથનના ઉકેલરૂપે કંઈક લખવાનું સૂચવે તો પ્રભુકૃપાથી લખે ખરા , પરંતુ સૂચન કરનાર એ પુસ્તક પ્રકાશન અને થોડીક વેચાણ માટેની પણ જવાબદારી ઉઠાવવાની તત્પરતા દાખવે તો જ .

મોહ ’ ઉપર લખવા માટેનું આવું જ એક સૂચન એક બહેને સુરત આશ્રમમાં પોતાના લાંબા મૌનગાળાના અંતે કર્યું . ઉપરની શરતોને આધીન રહી કંઈક અંશે મોહ છોડવાનું અમલમાં મૂકવાનું બને એ માટે પ્રકાશનની રોકડ રકમની અવેજીમાં સુવર્ણ બંગડીઓ ફરી ન કરાવવાના નિર્ણય સાથે આપવાનું પૂજ્યશ્રીનું સૂચન એ બહેને સહર્ષ સ્વીકાર્યું . આ રીતે મોહ ’ પ્રકાશનનું એ નિમિત્ત બન્યાં છે . એ બદલ હરિ:ૐ આશ્રમ તરફથી એમનો હાર્દિક આભાર માનીએ છીએ .

મોહ ’ વિશે પૂજ્ય શ્રીમોટાએ ૧૬૦૦ જેટલા લોકો લખ્યા છે . એનું વિવિધ વિષયવાર વર્ગીકરણ કરીને તર્કયુક્ત રીતે ક્રમબદ્ધ કરવાનું અને જાણીશુદ્ધિની ખંતપૂર્વકની જાળવણી સહિત પ્રેસકોપી તૈયાર કરવાનું કાર્ય પ્રેમપૂર્વક પ્રા . શ્રી ઇંદુકુમાર દેસાઈએ કર્યું એ અમારે માટે ઘણા આનંદની વાત છે અને અને એમનો હૃદયપૂર્વક ઘણો આભાર માનીએ છીએ.

પૂજ્ય શ્રીમોટાના શરીરનો જન્મદિવસ ભાદરવા વદ ચોથના રોજ આવે છે . તે નિમિત્તે એક ઉત્સવ  શ્રી રમણભાઈ મથુરભાઈ પટેલ ( બંસીધર ગ્રુપ , અમદાવાદ ) ના નિવાસસ્થાને ઊજવવાનું નક્કી થયું હતું , પરંતુ રેલસંકટને કારણે પૂજ્ય શ્રીમોટાના સૂચનથી એ બંધ રાખવામાં આવ્યો હતો . આ પરિસ્થિતિના સંદર્ભમાં જન્મદિનની પૂર્વસંધ્યાએ બપોર પછી શ્રી રમણભાઈના નિવાસસ્થાને મોહ’નું સમૂહવાંચન પ્રા . શ્રી અનુપરામ ભટ્ટના મધુર કંઠે પૂજ્ય શ્રીમોટાના સાંનિધ્યમાં શરૂ થયું હતું . આ માટે પ્રા . શ્રી અનુપરામ ભટ્ટના અમો અત્યંત આભારી છીએ .

સમૂહશ્રવણ માટે સર્વ શ્રી રમણભાઈ મથુરભાઈ પટેલ અને એમના કુટુંબીજનો , કાંતિભાઈ કાંટાવાળા , માનવમંદિર ટ્રસ્ટવાળા કનુભાઈ દવે , ઇંદ્ર વસાવડા , રમાકાંત જોશી , અનુપરામ ભટ્ટ , રમેશ ભટ્ટ , ઇંદુકુમાર દેસાઈ , કાંતાબહેન નંદલાલ શાહ , સરોજબહેન કાંટાવાળા , ઊર્મિલાબહેન દલાલ , ઇચ્છાબહેન દેસાઈ , કલાબહેન દેસાઈ વગેરેએ ઉપસ્થિત રહી ભાગ લીધો હતો . અધૂરું રહેલું વાંચન બીજે દિવસે એટલે પૂજય શ્રીમોટાના જન્મદિવસે શ્રી લાલજીભાઈ ચૌહાણના ઘેર બપોર પછી આગળ ચાલ્યું હતું . તે વખતે ઉપર નિર્દેશલ સ્વજનો ઉપરાંત , શ્રી લાલજીભાઈ અને એમના કુટુંબીજનો , શ્રી લલિતચંદ્ર દલાલ , મીનાક્ષીબહેન દલાલ , કવિ હેમંત દેસાઈ વગેરેએ હાજરી આપી શ્રવણનાં સહભાગી બન્યાં હતાં , તેની નોંધ લેતાં આનંદ થાય છે .

દર વખતની જેમ આ વખતે પણ મે . એલેમ્બિક પ્રેસ , વડોદરાએ ટૂંક સમયમાં અને સારી રીતે મોહ ’ ને પ્રસિદ્ધ કરવામાં જે ઉત્સાહ અને કાળજી દાખવ્યાં છે , તે કેમ ભુલાય ? આ માટે અમો તેમના ઘણા ઘણા આભારી છીએ . અંતમાં , પૂજ્ય શ્રીમોટાનાં પુસ્તકોનાં વેચાણની સંપૂર્ણ આવક લોકકલ્યાણનાં કાર્ય માટે જ વપરાય છે . આથી , પૂજ્ય શ્રીમોટાનાં પુસ્તકો સૌ કોઈ ખરીદીને જ વાંચે અને તે ખપાવવામાં સહાય કરે એવી અમારી વિનંતી છે .

હરિ:ૐ આશ્રમ , નડિયાદ                                                                                                                                     મેનેજિંગ ટ્રસ્ટી

તા. ૪-૧૦-૧૯૭૩                                                                                                                                                   નંદુભાઈ શાહ

Categories
Book Gujarati books

મૌનાર્થીને માર્ગદર્શન (Maunarthi ne Margdarshan)

મૌનએકાંતમાં સથવારો

હું નમ્રતાથી કહું છું કે ભગવાનનું નામસ્મરણ પણ કરી શકાય એવી વસ્તુ છે . એને વળગી શકાય છે , પણ આજે ભાવના નથી . અને તેના પરત્વે ખરેખરું દિલ પ્રગટ્યું નથી . અહીં તો બ્રાહ્મણ , મુસલમાન , જૈન , ખ્રિસ્તી બધા બેસી શકે . હમણાં નડિયાદમાં એક ૭૫ વર્ષના ડોસા બેઠા હતા . તેમની આંખે પણ દેખાય નહિ . મેં તેમને ભય પણ બતાવ્યો હતો કે અંદર બહુ મુશ્કેલી પડશે . છતાં ડગ્યા નહિ . અને મક્કમ નિર્ધાર કરીને બેઠા . મેં બેસતી વખતે કહ્યું હતું કે તમારી સાથે અંદર કોઈ હશે એ નક્કી માનજો . અમે મૌનમાં બેસનારનું પૂર્ણાહુતિના આગલા દિવસે નિવેદન લઈએ છીએ , તેમણે તેવા નિવેદનમાં લખ્યું છે , કોઈ દિવસ એકલાપણું લાગ્યું નથી .

 – શ્રીમોટા

‘મૌનએકાંતની કેડીએ’, ચોથી આ, પૃ. ૬૮

‘મૌનએકાંતની કેડીએ’, ચોથી આ, પૃ. ૬૮”

Categories
Book Gujarati books

મૌનમંદિરનું હરિદ્વાર (Maun Mandir nu Haridwar)

 

આ પુસ્તકના ઉદ્દભવ અંગે

હરિઃૐ આશ્રમ , સુરતનાં મૌનમંદિરમાંથી મૌનસાધના બાદ બહાર નીકળતાં સ્વજનો – સાધકો સમક્ષ પૂજ્ય શ્રીમોટા ટૂંકું પ્રવચન કરતાં અને જીવન જીવતાં જીવતાં ભગવાનને ભજવા અંગેની વાતો સરળ ભાષામાં સમજાવતા હતા .

એ પ્રવચનોની નોંધ સ્વ . ચૂનીલાલ મોતીરામ તમાકુવાળા તથા સ્વ . છબીલદાસ ( ચંપકલાલ ) છોટાલાલ ભૂતવાળા પ્રેમભાવથી લખી લેતા હતા . આવી હસ્તલિખિત નોંધો પૂજ્ય શ્રીમોટા જોઈ જતા હતા . એ રીતે એ નોંધો અધિકૃત બની જતી . આવી હસ્તલિખિત નોંધો નોટબુક સ્વરૂપે મૌનમંદિરોમાં રાખવામાં આવતી . જેથી , મૌનાર્થીઓ તેને વાંચી શકે અને શક્ય તે રીતે તે વિગતોને પોતાના જીવનમાં તેને ઉપયોગી બનાવી શકે .

પાછળથી આવી નોટબુકોને પુસ્ત સ્વરૂપે છપાવવાનું શ્રીહરિ કૃપાથી શક્ય બન્યું હતું . આ રીતે આવી નોંધો અને નોટબુકમાંથી નીચે મુજબનાં પાંચ પુસ્તકો થયાં હતાં . . ( ૧ ) મૌનમંદિરમાં પ્રભુ ( ૨ ) મૌનમંદિરમાં પ્રાણપ્રતિષ્ઠા ( ૩ ) મૌનએકાંતની કેડીએ ( ૪ ) મૌનમંદિરનો મર્મ અને ( ૫ ) મૌનમંદિરનું હરિદ્વાર . ઉપરોક્ત પુસ્તકોનું સંપાદન સ્વ . રમેશભાઈ ભટ્ટ દ્વારા કરી આપવામાં આવ્યું હતું . મૌનમંદિરનું હરિદ્વાર આ પુસ્તકની પાંચમી આવૃત્તિનું હવે પ્રકાશન કરવામાં આવી રહ્યું છે . .

તા. ૨૭-૭-૨૦૦૩                                                                             ટ્રસ્ટીમંડળ ,

રવિવાર                                                                               હરિ:ૐ આશ્રમ , સુરત

 

 

 

 

Categories
Book Gujarati books

મૌનમંદિરનો મર્મ (Maun Mandir no Murm)

નિવેદન

પૂજ્ય શ્રીમોટા , હરિઃૐ આશ્રમ , સુરતમાં દર અઠવાડિયે મૌનએકાંત લેનાર સ્વજનો સમક્ષ મૌનએકાંતની સાધના પદ્ધતિ વિશે તથા જીવનના વિકાસ પ્રત્યે કેવી રીતે સાવધાન રહેવાય એ વિશે થોડીક મિનિટો બોલતા હતા . એ વાતોની નોંધ સદ્દગત ભાઈશ્રી ચૂનીભાઈ તમાકુવાળાએ તથા ભાઈશ્રી ચંપકભાઈ ભૂતવાળાએ કરેલી . એ વ્યક્તવ્યોની નોંધ પૂજ્ય શ્રીમોટા વાંચી જતા હતા . આથી, એ નોંધો અધિકૃત ગણાય . આ પ્રવચનોની હસ્તલિખિત નોટબુકો સુરતનાં મૌનમંદિરોમાં રાખવામાં આવતી હતી , કેમ કે એ વાંચવાથી કોઈક સાધકને પ્રેરણા મળે .

એક વખત ભાઈશ્રી ધીરુભાઈ મોદીએ આ નોટબુકો પોતાના મૌનએકાંત દરમિયાન વાંચી . પરિણામે એમના જીવનમાં એમને ઘણી પ્રેરણા મળી . આથી , આ લખાણ છપાય તો ઘણા લોકોને લાભ મળે એવા હેતુથી એનું પ્રકાશન કરવાની એમના દિલમાં ભાવના જાગી . પરિણામે એમણે , મણિનગર ( અમદાવાદ ) નાં શ્રીમતી ડાહીબહેન ચીમનલાલ પટેલના સહયોગથી મૌનએકાંતની કેડીએ ’ પુસ્તક છપાવીને હરિ:ૐ આશ્રમને અર્પણ કર્યું . એ પુસ્તક ખૂબ જ લોકપ્રિય બન્યું અને ઘણાંને પ્રભુસ્મરણના માર્ગે પ્રેર્યાં . એ પુસ્તક વાંચીને મુંબઈના સુપ્રસિદ્ધ ડૉક્ટર શરદભાઈ દેસાઈને પ્રેરણા જાગી એટલે એમણે એ જ નોટબુકમાંનાં બીજાં વ્યાખ્યાનોનું પુસ્તક મૌનમંદિરનું હરિદ્વાર ‘ પ્રકાશિત કર્યું . પૂજય શ્રીમોટાનાં બીજાં ઘણાય પ્રવચનો છપાય વિનાનાં બાકી હતી .

આમ , આ શ્રેણીની હારમાળા થવા સર્જાયું હશે આ ત્રીજું પુસ્તક મૌનમંદિરનો મર્મના પ્રકાશનનો તમામ ખર્ચ શ્રીમતી ડોક્ટર સરોજબહેન જિતેન્દ્રભાઈ શાહે ( આંખના સર્જન સિવિલ હોસ્પિટલ , અમદાવાદ ) પ્રેમભાવે આપ્યો છે . તેવા તેમના ભાવ માટે અમો ઘણા ઘણા તેમના આભારી છીએ . હજુ બીજી બે પુસ્તકો આ શ્રેણીમાં થાય એટલાં પ્રવચનો અપ્રગટ અમો પાસે છે , જે હવે પછી एની કૃપાથી પ્રગટ થશે તેવી આશા છે .

અગાઉનાં બંને પુસ્તકોની જેમ જ આ ત્રીજા પુસ્તકનું સંપાદનકાર્ય ભાઈશ્રી રમેશભાઈ ભટ્ટે કર્યું છે . પૂજ્ય શ્રીમોટા પરત્વેના ભાવની વૃદ્ધિને કાજે એ આ કાર્ય કરે છે . એવી એમની ભાવનાની અમે દિલથી કદર કરીએ છીએ .

પૂજ્ય શ્રીમોટાનું આ પુસ્તક જિજ્ઞાસુઓને જરૂર પ્રેરક અને માર્ગદર્શક નીવડશે એવી શ્રદ્ધા છે . પૂજ્ય શ્રીમોટાનાં પુસ્તકોના વેચાણની આવક તેઓશ્રીના આદેશ અનુસાર નાનાં ગામડાંઓમાં પ્રાથમિક શાળાના ઓરડાઓ બંધાવી આપવાનાં કાર્યમાં વપરાય છે .

તા . ૧૩ જુલાઈ , ૧૯૮૪                                                                                                                  નંદુભાઈ

સં . ૨૦૪૦ , ગુરુપૂર્ણિમા                                                                                                              મેનેજિંગ ટ્રસ્ટી હરિ: ૐ આશ્રમ , નડિયાદ – સુરત

 

Categories
Book Gujarati books

મૌનમંદિરમાં પ્રાણપ્રતિષ્ઠા (Maun Mandir ma Pranpratishtha)

નિવેદન

પૂજ્ય શ્રીમોટા , હરિઃૐ આશ્રમ , સુરતમાં દર અઠવાડિયે મૌનએકાંત લેનાર સ્વજનો સમક્ષ મૌનએકાંતની સાધનાપદ્ધતિ વિશે તથા જીવનના વિકાસ પરત્વે કેવી રીતે સાવધાન રહેવાય એ વિશે થોડીક મિનિટો બોલતા હતા . એ વાતોની નોંધ સદ્દગત  ભાઈ શ્રી ચૂનીભાઈ તમાકુવાળાએ તથા ભાઈ શ્રી ચંપકભાઈ ભૂતવાળાએ કરેલી . એ વક્તવ્યોની નોંધ પૂજ્ય શ્રીમોટા વાંચી જતા હતા . આથી એ નોંધો અધિકૃત ગણાય. આ પ્રવચનોની હસ્તલિખિત નોટબુકો સુરતનાં મૌનમંદિરોમાં રાખવામાં આવતી હતી . જેથી , એ વાંચવાથી કોઈક સાધકને પ્રેરણા મળે .

એ પ્રવચન નોંધોમાંથી પ્રથમ પુસ્તક મૌનએકાંતની કેડીએ ’ , દ્વિતીય પુસ્તક મૌનમંદિરનું હરિદ્વાર ’ , તૃતીય પુસ્તક મૌનમંદિરનો મર્મ ’ , ચોથું પુસ્તક મૌનમંદિરમાં પ્રભુ ’ પ્રગટ થઈ ચૂક્યાં છે . આ છેલ્લું અને પાંચમું પુસ્તક મૌનમંદિરમાં પ્રાણપ્રતિષ્ઠા ’ પ્રકાશિત થઈ રહ્યું છે . આ પુસ્તકો સાથે પૂજ્ય શ્રીમોટાના આ પ્રકારનાં પ્રવચનોની પ્રકાશનશ્રેણી પૂરી થાય છે . શ્રી રમેશભાઈ ભટ્ટે ઉપરનાં બધાં પુસ્તકોનું માનાર્હ સંપાદન કરી આપ્યું છે . એમના ભાવનાભર્યાં આ કાર્યની અમે કદર કરીએ છીએ . પૂજ્ય શ્રીમોટા પરત્વેના ભાવની વૃદ્ધિ કાજે એ આ કાર્ય કરે છે . એવી એમની ભાવનાની અમે દિલથી કદર કરીએ છીએ .

પૂજ્ય શ્રીમોટાનું આ પુસ્તક જિજ્ઞાસુઓને જરૂર પ્રેરક અને માર્ગદર્શક નીવડશે એવી શ્રદ્ધા છે.

નડિયાદ,                                                                                                                                              ટ્રસ્ટીમંડળ

તા . ૧૬-૯-૧૯૮૫                                                                                                                      હરિ:ૐ આશ્રમ , નડિયાદ

Categories
Book Gujarati books

મૌનમંદિરમાં પ્રભુ (Maun Mandir ma Prabhu)

નિવેદન

પૂજ્ય શ્રીમોટા , હરિઃૐ આશ્રમ , સુરતમાં દર અઠવાડિયે મૌનએકાંત લેનાર સ્વજનો સમક્ષ મૌનએકાંતની સાધનાપદ્ધતિ વિશે તથા જીવનના વિકાસ પરત્વે કેવી રીતે સાવધાન રહેવાય એ વિશે થોડીક મિનિટો બોલતા હતા . એ વાતોની નોંધ સદ્દગત  ભાઈ શ્રી ચૂનીભાઈ તમાકુવાળાએ તથા ભાઈ શ્રી ચંપકભાઈ ભૂતવાળાએ કરેલી . એ વક્તવ્યોની નોંધ પૂજ્ય શ્રીમોટા વાંચી જતા હતા . આથી એ નોંધો અધિકૃત ગણાય. આ પ્રવચનોની હસ્તલિખિત નોટબુકો સુરતનાં મૌનમંદિરોમાં રાખવામાં આવતી હતી . જેથી , એ વાંચવાથી કોઈક સાધકને પ્રેરણા મળે .

એ પ્રવચન નોંધોમાંથી પ્રથમ પુસ્તક મૌનએકાંતની કેડીએ ’ , દ્વિતીય પુસ્તક મૌનમંદિરનું હરિદ્વાર ’ , તૃતીય પુસ્તક મૌનમંદિરનો મર્મ ’ , ચોથું પુસ્તક મૌનમંદિરમાં પ્રભુ ’ પ્રગટ થઈ ચૂક્યાં છે . આ છેલ્લું અને પાંચમું પુસ્તક મૌનમંદિરમાં પ્રાણપ્રતિષ્ઠા ’ પ્રકાશિત થઈ રહ્યું છે . આ પુસ્તકો સાથે પૂજ્ય શ્રીમોટાના આ પ્રકારનાં પ્રવચનોની પ્રકાશનશ્રેણી પૂરી થાય છે . શ્રી રમેશભાઈ ભટ્ટે ઉપરનાં બધાં પુસ્તકોનું માનાર્હ સંપાદન કરી આપ્યું છે . એમના ભાવનાભર્યાં આ કાર્યની અમે કદર કરીએ છીએ . પૂજ્ય શ્રીમોટા પરત્વેના ભાવની વૃદ્ધિ કાજે એ આ કાર્ય કરે છે . એવી એમની ભાવનાની અમે દિલથી કદર કરીએ છીએ .

પૂજ્ય શ્રીમોટાનું આ પુસ્તક જિજ્ઞાસુઓને જરૂર પ્રેરક અને માર્ગદર્શક નીવડશે એવી શ્રદ્ધા છે.

નડિયાદ,                                                                                                                                              ટ્રસ્ટીમંડળ

તા . ૧૪-૧-૧૯૮૫                                                                                                                      હરિ:ૐ આશ્રમ , નડિયાદ

Categories
Book Gujarati books

મનને (Man-ne)

સાધનાના પ્રારંભમાં ‘મનને’ ઉદ્દેશીને પૂજ્ય શ્રીમોટાએ રચેલી પ્રાર્થના

સગાં ને સંબંધી અને સ્નેહીઓને-

જણાવ્યે, થતું દુઃખ ઓછું જણાયે,

બધાં સુખદુઃખાદિ વ્યાધિ ઉપાધિ-

પ્રભુને જણાવો , થશે દૂર આંધી .

                                  – શ્રીમોટા

‘ મનને ‘ ૧૨ મી આ , પૃ .૫૮

Categories
Book Gujarati books

કૃપાયાચના શતકમ (Krupa-Yachna Shatakam)

નિવેદન

પૂજ્ય શ્રીમોટા સાથે આગવી રીતે સંકળાયેલ સાથી સ્વ.હેમંતકુમાર નીલકંઠ કૃપામાર્ગના પ્રવાસી હતા. તેઓશ્રીના જીવનમાં પૂજ્ય શ્રીમોટાએ જે જે પ્રકારની હૂંફ અને સહાય પ્રેરી હતી, તેનો ઉલ્લેખ પૂજ્ય શ્રીમોટાના તેમ જ પૂજ્ય ભાઈશ્રી નંદુભાઈનાં પ્રકાશિત લખાણોમાંથી મળી શકે છે.

પૂજ્ય શ્રીમોટાની કૃપા યાચતા કેટલાક શ્લોકો સંસ્કૃત ભાષામાં ‘कृपायाचना शतकम्’ શ્રી નીલકંઠ દાદાએ રચેલા, પણ તેય ગુપ્તપણે. આવા શ્લોકો જ્યારે જાણકારીમાં આવ્યા ત્યારે તેમાંથી પસંદ કરાયેલ સો જેટલા શ્લોકોનો ગુજરાતી ભાષામાં ભાવાનુવાદ કુરંગીબહેન દેસાઈએ કર્યો હતો. તેની પ્રથમ આવૃત્તિ સને ૧૯૯૬માં શ્રી યશવંતભાઈ પટેલ, રહેવાસી મણિનગર, અમદાવાદ દ્વારા થઈ હતી.

પૂજ્ય શ્રીમોટાના સાથીદાર તરીકે શ્રી નીલકંઠ દાદાની સ્મૃતિને ચિરંજીવ રાખવાના એક નમ્ર પ્રયાસ તરીકે તેમ જ જિજ્ઞાસુ સ્વજનો તેનો આસ્વાદ માણી શકે એ ભાવનાથી પ્રથમ પ્રકાશકની ઉદાર અનુમતિથી ‘कृपायाचना शतकम्’ની આ બીજી આવૃત્તિનું પ્રકાશન કરતાં અમો આનંદની લાગણી અનુભવીએ છીએ.

આ પુસ્તકની મુદ્રણશુદ્ધિનું કાર્ય પૂરા સદ્‌ભાવપૂર્વક શ્રી જયંતીભાઈ જાનીએ કરી આપ્યું છે. ટાઇટલ ડિઝાઇનનું કાર્ય શ્રી મયૂરભાઈ જાનીએ કરી આપ્યું છે. આ પુસ્તકને પૂરા સદ્‌ભાવથી છાપી આપવાનું કાર્ય સાહિત્ય મુદ્રણાલયના શ્રી શ્રેયસભાઈ વિષ્ણુભાઈ પંડ્યાએ કરી આપ્યું છે. પૂજ્ય શ્રીમોટા પરત્વેના ભક્તિભાવથી પ્રેરાઈને આ સર્વેએ આ પ્રકાશનમાં આપેલા સહકાર બદલ, તે સૌના અમો ખૂબ ખૂબ આભારી છીએ.

આશા છે કે સ્વજનો આ પ્રકાશનને આવકારશે.

પૂજ્ય શ્રીમોટાનો ૧૧૨મો જન્મદિન                                                                                                         ટ્રસ્ટીમંડળ,

ભાદરવા વદ ચોથ, સંવત ૨૦૬૫                                                                                                    હરિઃૐ આશ્રમ,સુરત

તા. ૪-૯-૨૦૦૯